Vorrunde-Abschluss im Allidome (🇨🇭Version)

Herren Bezirksliga: TSV Georgii Allianz - DJK Sportbund Stuttgart IV 9:6

Wie erwarted sind d’Gäscht vom DJK Sportbund IV zum letschte Punktspiel vode Saison im Allidome am Sunntigmorge mit Vollbsetzig, ja sogar zuesätzlicher Verstärchig agreist und hends nomal so richtig welle wüsse.

Allianz I um ihre Starspieler Mario Walz (VR-Bilanz 13:1) isch aber sehr starch gstarted und hed mit 2:1 nach Doppel und 6:1 nach luter gwunnene Spiel im vordere und mittlere Paarchrüz vorgleid.

Hinde hend denn de Colin Liu (VR-Bilanz 9:2) und de Ersatzma Jan-Hendrik Sidenstein (für de abwesendi Thomas König (VR Bilanz 7-1)) am Gegner doch no echle Hoffnig ufnes Comeback gä und Männle und Hini sind als Sieger vom Tisch gange.

D’Hoffnige sind denn aber vomene sensationell ufspielende Florian Stehling (VR-Bilanz 5:5) zäme mitem Kolleg Walz im Vordere Paarchrüz schnell wieder im Keim erstickt worde..

..ganz erstickt? Nid ganz! Denn mit 3 Sieg in Folg kämpfed sich a dem suscht sehr planmässig verlaufende Sunntigmorge d’Jungs vom Sportbund nomal zrug is Business: 8:6!

Erwähnenswert: Ersti Saisonniederlag, ja sogar di allererschte Satzverlüscht ide Vorrundi für de Jochen Voigt (VR-Bilanz 6:1).

Erst de Jan-Hendrik Sidenstein vermag mitme ganz knappe 5-Satz-Sieg gege Männle, under akribischer Beobachtig vo Walz/Stehling, wo bereits im Schlussdoppel um di goldeni Ananass spieled, de Sack zue zmache.

Uff.., de Sunntigmorge hed also dochno Närve koschted. D’Jungs vode 1. Mannschaft hend aber ihri stärchi es wiiters mal zeigt. In Stein gmeisled isch de Ufstig nonid, es gsehd aber mit 5 Pünkt Vorsprung und mä Verhältiniss vo +61 sehr guet us!

Falls öbbert nid alles verstande hed: Pech für d’Schwiiz 😛
Schweiz I Ende (VR-Bilanz 7:1)